امثال سورية شامية 1

• عاشر السبع ولو أكلك ولا تعاشر الندل ولو حملك
• عديم ووقع بسّلة تين
• عذر أقبح من ذنب
• عرج الجمل من شفته
• عرق آس ولا شماتة الناس
• عزموا حمار عالعرس قللون يا لزق المي يا لزق الحطب
• عشيقك لا تاخديه ...وطليقك لا ترديه
• عصفور بالإيد ولا عشرة عالشجرة
• عطي الخباز خبزو ولو سرق نصو
• علّمناهم الشحادة , سبقونا على البواب
• على بال مين هللي عمترقص بالعتمة؟
• على حظ الحزينة سكرت المدينة
• على حظك يا حزينه سكرت المدينه
• على خشتو راقع بشتو زبال وشاكل وردة
• على قد لحافك مد رجليك
• على هامان يا فرعون؟
• عم يخبص بالفصة
• عمر الشقي بقي
• عمر عطيني وبالبحر رميني (أو: حظ عطيني وبالبحر رميني)
• عمرو قسام ما دخل الجنة
• عميل منيح وزت بالبحر
• عند البطون ضاعت العقول
• عند الغنايم أنطون نايم
• عند المصايب بتبان الحبايب
• عند جرن الحمام بتبان القرعة من أم الشعر
• عندو حظ بيفلق الصخر
• عنزة ولو طارت
• عيد التجلي بيقول للصيف ولِّي
• عيش كتير بتشوف كتير
• عين ما بتقاوم مخرز
• عيونو بالطبق وأدنو على مين زعق
• عيونو زرق وسنانو فرق
• عيونو فيه وتفو عليه
• غابت السباع . ولعبت الضباع
• غسالة البطون احلى منه مابيكون
• غير نصيبك ما بيصيبك
• فال القرد ولا فالك
• فايق ورايق
• فتِّش على الجار قبل الدار
• فخار يكسر فّخار
• فرحنا بالنيل إجا النيل وغرقنا
• فرخ البط عوام
• فرق البحر سواقي بتطلبه ما بتلاقي
• فوتة (دخول ) الجار لعند الجار اولها مذله واخرها معيار.يقال لعد الخلطة بين الجيران
• فوق حّقو دّقو
• فولة وانقسمت
• فولة وانقسمت نصين
• في كل بلد ربي إلك صاحب
• قاعد لعزا الرقبة
• قال الآخرة يا فاخرة
• قال الدبة شقِّت كرشا قال ما ضرت إلاَّ نفسها
• قال الكلب ألف قولة هشت ولا قولة ناولو
• قال بزقوا على وجه الندل قال الدنيا عم تشّتي
• قال جبل لجبل بيلتقي وبني آدم لبني آدم ما بيلتقي
• قال حبني وخدلك جحش..قللو المحبة ماتبصير دحش
• قال حصوة بتسند جرة قللو إيه بتسند خابية قنطارية
• قال حمار ضرط نار قال ما حرق دنبو؟ قال إيه سماع وسطِّح!
• قال شو خلفلك جدك ...أبوك ومات
• قال شو فوتك لبيت عد وك قللو محبي جواتو
• قال صحيح ما مت.. بس ما شفت مين مات
• قال طلق ام حسن واتجوز ام حسين ......... قالوا الله يلعن التنتين
• قال عاشقك لا تاخديه ومطلقك لا ترديه
• قال لا إذن تسمع ولا عينًا ترى
• قال له سهر الليل والناس نيام
• قال له شو اللي يجيب السقام
• قال من قله الاحصنه ... صرنا نحط عالكلاب سروجه
• قال مو رمانة لكن قلوب مليانة
• قال مو قيمتك يا بطني قيمتك يا قدري
• قال ناموسة هدت على طيز جاموسة قالتلا مين حس فيكي وقت إجيتي ووقت بدك روحي
• قال واوي بلع منجل قال عند خراه بتسمع عواه
• قال يا جاري إنت بحالك وأنا بحالي
• قال يا حاملة الصبيان يا حاملة الصوان
• قال يا ربي عطيني وجربني قللو أنا ربك وأخبر فيك
• قال يا غافل إلك الله
• قال يا قاعدين يكفيكم شر الجايين
• قال يا لساني شلون ما درتك بتندار
• قال يا ماشي على رجليك ما بتعرف شو مقدر عليك
• قال يا مآمنة بالرجال متل المي بالغربال
• قالوا لكتير الغلبة نص الدنيا الك قللون النص التاني لمين؟
• قالوا للأعمى منين بتعرف المنيح من الردي قللون من أسعارو
• قالوا للبغل مين خالك قللون الحصان خالي
• قالوا للجمل ليش شفتك مرتخية ..الن الشي مو بالجمال.. الشي بالجاذبية
• قالوا للجوعان تنين وتنين شو بيساوو؟ قللون أربعة ارغفة
• قالوا للحرامي حليف يمين قللون إجانا الفرج
• قالوا للقرد لك لسا الله بدو يمسخك قللون يمكن يساويني غزال
• قالوا للقطط خراكم بينفع صاروا يحفروا ويطموا
• قالوا للمسمار ليش بتفوت بالحيط قللون من عزم الرص هللي ورايي
• قام ديك شعيب ما بقاش في الدنيا عيب
• قبل ما تفصل قيس
• قبل ما تقلها كش اضربها واكسير رجلها
• قبل مل تاكل كوسا وبيتنجان غطي دنبك هالعريان
• قد فرحتي ليلة عرسي
• قدرة ولقت غطاها
• قدم بقدم ولو كنتي ستي ووراكي خدم
• قدها قد الفارة وصوتها ملاة الحارة
• قرعة بمشطين وعمية بمكحلتين
• قرعة تحفف مجنونة
• قرقعة وخشيش وطحين ما فيش
• قطاع راس القط من ليلة العرس
• قطع الأعناق ولا قطع الأرزاق
• قعود أعوج بس احكي دغري
• قعود برا ...ولا تقعد جنب الجرا
• قّكرنا الباشا باشا طلع الباشا زلمة
• قلب حب ما بغض
• قلبك فاضي وعيشك راضي
• قلبو من الحامض لاوي
• قلله عصفور كفل زرزور قلله الإتنين طيارين
• قللو اليوم مرقني وبكرة غرقني
• قللو ايمتى بتقوم القيامة قللو كل شي في ألو علامة
• قللو بتعرفو؟ قللو بعرفو! قللو جربتو؟ قللو لا! قللو لكان ما بتعرفو!
• قللو بحلب نطيت أربعين قدم قللو إيه هون أرض وهنيك أرض
• قللو شو أطيب من العسل قللو الخل ببلاش
• قللو شو الك بالقصر قللو البارح العصر
• قللو شو صار قللو واحد زقَّف والتاني طار
• قللو صاحبك ولاَّ أخوك قللو الأنفع بيناتهم
• قللو قنطار مسك بدقنك قللو كترتو بتو جع الراس
• قللو لا تبيع برخيص، قللو لا توصي حريص
• قللو ليش بتبكي وأنا عمك قللو أنا ببكي لأنَّك عمي
• قللو مين بيجي مع العروس قللو أمها وخالتها وعشرة من حارتها
• قللو مين بيخْبرك ( بيعرفك ) قللو ربك وجارك
• قللو مين جبرك عالمر قللو هللي أمر منّو
• قللو نام بالبرية ولا تنام قدام طاقة هوية
• قللو يا أبي شرفني قللو لحتى يموت هللي بيعرفني
• قللو يا شعبان ليش ما بتجي برمضان قللو كل شي بوقتو حلو
• قللو يا فرعون مين فرعنك قللو ما حدا ردني
• قلنالو البيت بيتو سّكر الباب وأخد المفتاح
• قلو الطاقة اللي بيجيك الهوى منها سدها قللو موسدها خود الفاس وهدها
• قليل الخصية بيصير فلكي
• قولي بيضا واسكتي وقولي سمرا ووصفي
• كانت النصيحة بجمل هلَّق ببلاش ما حدا بيشتريها
• كبر القمر ودور ...ونسي الزمان الأول
• كبرت الباذنجانة ودندلت جراسها !!!!!!!!! ونسيت الطين يلي كان فوق راسها
• كبرت العوجاية معو
• كبرها بتكبر صغِّرها بتصغر
• كبير المنخار بيفّكر كل الناس بيدّلوا عليه
• كتْر الدلال بيهرب العاشق
• كترة الأيادي بتحرق الطبخة
• كترة الأيادي عالحصيدة غنيمة وعالأكل خراب
• كترة المال بتشغل البال
• كترت الزبدة عالعرب صاروا يستعملوها صابون
• كتير الكارات قليل البارات
• كثرة الشد بترخي
• كثير النط قليل الصيد
• كحل والعمى على الله
• كرمال عين تكرم مرجعيون
• كسرنا الدف وبطلنا الغني
• كشِّر عن نابك كل الناس بتهابك
• كل الجمال بتعارك ما عدا جملنا بارك
• كل الديوك نئرتني ما بئا عليي غير ابو انبره
• كل الطرق بتودي للطاحون
• كل الكلاب أحسن من حيمور
• كل جاجة حفَّرت على راسها عفَّرت
• كل حادث وإلو حديث
• كل ديك على مزبلتو صياح
• كل شجرة إلها في وكل بلد إلها زي
• كل شي بحسابو يا أعز حبابو
• كل شي ممنوع مرغوب
• كل طلقة براحة
• كل عقدة وإلها حلاَّل
• كل علِّة وألها دوا
• كل عنزة معلَّقة من كرعوبا
• كل عيلة وألها بّلوعة
• كل غلطة بكفرة
• كل قرية وقدامها خرية
• كل قمحة مسوسة الها كيال أعور
• كل لحية وإلها مشط
• كل ما حدا قللو كش بيقللو رش
• كل ما دق الكوز بالجرة
• كل ما طال دنبو قلّ أدبو
• كل معروض منهان
• كل من حط فلوسه بنت السلطان عروسه
• كل موته وإلها سبب منشان ما يكون لعزرائيل ذنب
• كل مين ألو نبي بيصّلي عليه
• كل مين بغنِّي على ليلو
• كل مين بيتعلَّم من كيسو
• كل مين بيحن لأصلو
• كل مين شافني أرملة شمر وأجاني هرولة
• كل مين على دينو الله يعينو
• كل مين مخطتو على تمو حلوة
• كل ولد بيجي بتجي رزقتو معو
• كلام القاضي متل الفستق الفاضي
• كلام الليل بيمحيه النهار
• كلب أبيض وكلب أسود والإتنين أولاد كلب
• كلب الأمير أمير الكلاب
• كلب داشر ولا سبع مربوط
• كلب ما بيعض أخوه
• كلبين ما بيّتفقو على عضمة
• كلمة بت ولا عشره لت
• كلمة بتاخدو وكلمة بتجيبو
• كلمة تحنن وكلمة تجنن
• كلمة خود بتسوى ألف كلمة هات
• كلمة ورد غطاها
• كلمة يا ريت عمرا ما عمرت بيت
• كلنا بالهوى سوى
• كلنا في السراب تراب
• كله عند العرب صابون
• كّلو عند العرب صابون
• كما سّتي كما سيدي
• كمل النقل بالزعرور
• كّنا بالطب صرنا بالبيطرة
• كنس بيتك ما بتعرف مين بيدوسه وغسل وجهك ما بتعرف مين بيبوسه
• كول بالدين ولا تشتغل نهار الإثنين
• كول زيت وناطح الحيط
• كول لقمة كبيرة ولا تحكي كلمة كبيرة
• كول لوز واخرى عالجوز (على الإثنين)
• كول ما تشتهي نفسك والبس ما يليق بين الناس
• كول مع الكافر ولا تاكل مع طويل الأظافر
• كوم حجار ولا هالجار
• كوم فيران ولا هالجيران
• كومة رجال ولا كومة مال
• كيد العوالم مين أده ...لو مال على حيط هده
• كيف ما مال الهوى ميل معو
• لا الفارة طاهرة ولا دعاويها مستجابة
• لا بتتسرى ولا بتنام برا
• لا بدنا ّنام بين قبور ولا بدنا نشوف منامات وحشة
• لا بيحلّ حمار ولا بيربط جحش
• لا بيسلِّي ولا بيحلِّي
• لا بيمري ولا بيخري
• لا بينحلب ولا بينجلب
• لا تاخد الرفسة الماكنة إلا من الحمار الأعرج
• لا تاخد صاحب إلاَّ بعد قتلة
• لا تجازي لك رب يجازي
• لا تجود إ ّ لا بالموجود
• لا تحكي يا لسان ورا كل حيط انسان
• لا تحكيلي بشكيلك ولا تبكيلي ببكيلك
• لا تحلق دقنك بين إتنين، واحد بيقّلك طويلة والتاني بيقّلك قصيرة
• لا تحيي البيض بتقتيل الفراخ
• لا تدخل بيت الظّنان ولا تاكل خبز المّنان
• لا تدعي لصاحبك بالسعادة بتخسرو
• لا تركب حمارة وصاحبها بالحارة
• لا تسلط إمرأة على تلفون ..ولا شيخ على مكريفون
• لا تشرب من بير وترمي فيه حجر
• لا تعلِّم شحاد على باب دارك
• لا تعيبي يا معيبة ويا سريجة مَقطْبة
• لا تغالي بالغالي والردي بالبلاش غالي
• لا تقللي ولا بقلَّك الدهر محيرني ومحيرك
• لا تقول عنب ليصير بالسلِّة
• لا تقول فول ليصير بالمكيول
• لا تقول للمغني غني ولا للرقاص رقوص
• لا تكتِّر على أمك وأبوك بيكرهوك
• لا تلوم الغايب حتى يحضر
• لا حمايه ولا ضره إلا سخطه من عند الله
• لا حياَة لمن تنادي
• لا طنجره عم تغلي ولا مقلايه عم تقلي وكلي وشبعي :
• لا للسيف ولا للضيف ...ولا لغدرات الزمن
• لا معلَّقة ولا مطلَّقة
• لا مين عمر سكن ولا مين مون أكل
• لا وجع إلا وجع العين ولا هم إلا هم اّلدين (الاستدانة)
• لا وش حلو ولا طيز ناعمة
• لا يموت الديب ولا يفنى الغنم
• لابد مايجي يوم والحزينة تصفق بعرس جارتا
• لابق للشوحة مرجوحة ولأبو بريص قبقاب
• لابق لهالحناك العوج لقة بابوج
• لاقيلي ولا تطعميني
• لأهلها الزق ولبيت حماها النق
• لائي ليرة وشتري زميرة
• لبس الأسمر أحمر واضحك عليه
• لحاف العيرة ما بيدفي وإن دفَّى ما بيكفِّي
• لحاق البوم ما بياخدك غير عالخراب
• لحاق الكّذاب لباب الدار
• لسان ابن آدم شختة
• لسانك حصانك إن صنتو صانك وإن خنتو خانك
• لعب الفار بعبو
• للدوارة متل الشرارة ...للبيت يا ريت
• لما إجا الديب عالغنم راح الكلب يشخ
• لما الغني شكته شوكه صارت البلد في دوكه ..ولما الفقير قرصه الثعبان قالوا ده كثرة كلام
• لما ألولي واد أنشد ظهري وانسند.. ولما ألولي بنيه حسيت الحيطه مالت عليا
• لما بتصير ورقة التين قد البطة نام ولا تتغّطى
• لما بتوقع البقرة بيكتروا دباحينا
• لو البومة فيها خير ما تركها الصياد
• لو الله بيستجيب دعاوي الكلاب كانت الدنيي مطرت عضام
• لو بدها تشتي غيمت
• لو بدها تشتي كعك كانت غيمت عجين
• لو بيسلم الكرم من النواطير كان حمل قناطير
• لو ريدك يا فخرة ما أخدت عليكي اللخرة
• لو ستي اسمها يوسف كنت بعيطلها جدي
• لو شاف الجمل حردبتو لوقع وانقصفت رقبتو
• لو شالوني من تحتو كنت قتلتو
• لو صحت لجدي ما مات
• لو كان التعليم بالضرب كانوا الحمير أخدوا الأوليّة
• لو كان الشعر بيجيب البخت لحط العنزة على التخت
• لو كان الشي بكبر الشوارب كانوا الجرادين أخدوا الأولية
• لو كانت الشركة بركة كانوا كل تنين تزوجوا مرا
• لو لحسته عسل عضللي إصبعي
• لولا الحسد ما مات أحد
• لولا الغيرة ما حبلت ميره
• لولا الكاسورة ما عمرت الفاخورة
• لولا المربي ما عرفت ربي
• لولا علبة مكي...كانت الأحوال بتبكي
• لون الزهر بيقهر قهر
• لي بيجي حلت البركه ولي ما بيجي خفف لبكية
• ليجي الصبي منصلي عالنبي
• ما إجا الترياق من العراق حّتى العليل فارق
• ما أحلى من الولد إلاَّ ولد الولد
• ما باس تمو غير أ مو
• ما بتروح غير على هللي بيروح
• ما بتعرف خيروا لتجرب غيره
• ما بخاف على ولدي من الفقر بخاف عليه من قّلة التدبير
• ما بعد الصبر إ ّ لا المجرفة والقبر
• ما بقي بالميدان غير حديدان
• ما بقي من العمر قد ما مضى
• ما بقي من الكرم غير الحطب
• ما بيحك جلدك متل ضفرك
• ما بيحن عالعود إلاَّ قشرو
• ما بيخرى على إصبعة مجروح
• ما بيسلم الكرم من الناطور
• ما بيعجبو العجب ولا الصيام برجب
• ما بيعرف التمرة من الجمرة
• ما بيفضح الوزير غير الكنه..والأجير
• ما بيفهم الطيخ من البطيخ
• ما بيمّلي عين ابن آدم غير التراب
• ما بين السابق والمسبوق دقة خازوق
• ما بين تشرين وتشرين صيف تاني
• ما حدا بيربي حية بعبو
• ما حدا بيصبر على جهلي متل أهلي
• ما حدا بيصحلُّو لبن الضرف إلاَّ بيغرف مّنو غرف
• ما حدا بيقول عن زيتو عكر
• ما حدا بيقول مرض إلاَّ الو تلتين الغرض
• ما حدا زارع على خراك فجل
• ما خّلى للو راث إلا ورق الكراث
• ما دام طباخنا جعيص شبعنا مرقة
• ما صرنا هون الا وقلنا يا رب العون
• ما عنده لا عافطة ولا نافطة (العافطة: النعجة، والنافطة: العنزة. تعفط أي تعطس وتنفط أي تضرط.
• ما عندو دقن ممشطة
• ما غريب إ ّ لا الشيطان
• ما في بيني وبينك حاجب وبواب
• ما في دخان بلا نار
• ما في شجرة إ ّ لا ما هزا الهوى
• ما في شجرة وصلت لربا
• ما في شي ببلاش غير العمى والطراش
• ما في طلعة إ ّ لا وراها نزلة
• ما في وجع متل وجع الضرس وما في هم متل هم العرس
• ما مّنك شي ود ّخانك بيعمي
• ما يكابر في الامور الا غبي أو مغرور
• مابين السابق والمسبوق دقة خازوق
• ماتت المعزة وقام البعر يجتر
• ماشي على بيض
• مالو من شوي اللحم الا ريحتو
• مامعو شي يتعشى بيشتري فجل وبيتدشى
• مايغرّك البيت وتزويقه...واحد فطر والتانى على ريقه
• متل أكابر الديماس كبار بعيون حالهم صغار بعيون الناس
• متل الأباوة على نص رغيف
• متل الأربعا بنص الجمعة
• متل الأطرش بالزّفة
• متل البق لا بنام ولا بيخّلي حدا ينام
• متل البوم ما بيبشِّر غير بالخراب
• متل البير ماله قرار
• متل الحبلاسة كلما كبِرت كلما حليت
• متل الحمار شلون ما درتو بيندار
• متل الحمام المقطوعة ميتو
• متل الحيّة من تحت التبن
• متل الخنفسة كل ما حدوا بيت السلطان خيلهن بتمد رجلها
• متل الزبدية الصيني منين ما رنيتها بترن
• متل الزلحفة حامل بيتو على ضهرو
• متل الضراط عالبلاط
• متل القبور من برا رخام ومن جوة صخام
• متل القرد الملفلف
• متل الكردي بعد العصر
• متل الكردي راسو يابس
• متل اللزقة البيطارية
• متل المقشة الشباطية كل قشة ببلوعة
• متل المي بطلوع
• متل أم العروس فاضية ومشغولة
• متل أمل ابليس بالجنِّة
• متل بقر التركمان جعجعه وقلة حليب
• متل تجارة جحي بالبيض
• متل حبر على ورق
• متل حرباية فرجيني بختي
• متل حساب كريك بيكون معك بيجي عليك
• متل حكاية ابريق الزيت
• متل حيا القملة براس الأقرع
• متل حية التبن بتعض وبتخبي راسها
• متل رجل كرسي
• متل سيران الكلاب كترة غبرة وقلة واجب
• متل شباط اللباط ما على كلامو رباط
• متل عرموش العرمط .......لا بيحل ولا بيربط
• متل عود الملوت بالخرا كيف مالقيتو بتتلوت
• متل فوطة الحمام من طيز لطيز
• متل قطرميز مصر لا رقبة ولا خصر
• متل كرم على درب
• متل مؤدن حمص بينادي الناس للصلاة وبيروح لشغلو
• متل نار على علم
• متل هللي جاب الدب لكرمو
• متل هللي عمبيغّني بالطاحون
• متل يللي مضيع جحشة خالتو إن لقاها مغّني وإن ما لقاها مغنِّي
• متى ما إبنك حلق دقنو حليق إنت
• مثل القطط بسبع ارواح
• مجدرة ولبن عافية على البدن
• مجعوص متل انجاص أبو زبلة
• مجنون يحكي وعاقل يسمع
• محروقة بصلتو
• محمد مات وأمته ما تعطلت
• مر بالبحر الهايج ولا تمر بالبحر الهادي
• مرت الأب ما بتنحب
• مسلماني ولا روماني
• مشتراة العبد ولا تربايتو.
• مشي لحفي وبكي لعمي
• مضيع جحشة خالتو
• مطبل بالدنيا ومزمر بالآخرة
• مطرة نيسان بتحي قلب الإنسان
• مطرح اللي بتأمن خاف
• مطرح ما بتبيض روح قاقي
• مطرح ما ترزق الزق
• مطرح ما ضيع القرد ابنه
• معك قرش بتسوى قرش ما معك قرش ما بتسوى ولا قرش
• معك معك عليك عليك
• مفتاح البطن لقمة ومفتاح الشر كلمة
• مقسوم لاتاكل.. وصحيح لا تقسم ...و كول لتشبع
• مقصر وفصو حامي
• مكتوب على باب الجنة عمرها حماية ما حبت كنِّة
• مكتوب على قفا الكفكير المنيحة ما بدها تفكير
• مكتوب على ورق الخيار هللي بدو يسهر الليل بدو ينام النهار
• مكتوب على ورق الكزبرة النصيحة ما بدها مشورة
• ملائكته سارحة"
• ملت بطنها وزنكرت وطلعت ع الحيط وأنكرت
• مليحة لكن إلها ريحة
• من أدب أولاده قهر حساده
• من أكل فو ً لا أربعين يومًا استتور
• من الفقر مابنتعشى والكيف فينا داير
• من أول غزواتي انكسرت عصاتي
• من برّه رخام ومن جوّه سخام
• من برّه هالاّ هالاّ ومن جوّه يعلم الله
• من بعد الأم حفير وطم
• من بعد أمي وأبي الكل جيران
• من بعد ما حبلت سكرت الباب
• من تحت الدلف لتحت المزراب
• من تم لتم بتموت الأم
• من تمك أحلى يا كحلا
• من تمك أحلى يا كحلى
• من جرب المجرب كان عقلو مخرب
• من حبي للعبيد بحن عالكلاب السود
• من دهنو سقِّيلو
• من زبيبة بيسكر
• من زبيبة بيعمل خمارة
• من طول عمرك يا تينة مجعلكة
• من عاشر القوم أربعين يومًا صار منهم وفيهم
• من عجلة القطة جابتهم عمي
• من فاته اللحم عليه بالمرق
• من فك العجايز كل شي جايز
• من فولو قدمولو
• من قلة الأحباب زارتنا الكلاب
• من قلّة الخيل ركبنا على الكلاب سروج
• من قلة العنب أكلنا عراميشو
• من كتر همو أخد وحدة قد أمو
• من معرفتو بالصحابة ترضّى على عنتر
• من هالك لمالك لقباض الرواح
• من هللي بتحط بالقدرة بتشيل بالمغرفة
• من هون شعرة ومن هون شعرة تعمل دقن
• من يومك هادا لونك منفوخ متل الطبل
• منركب جمل ومنحمل علم ومنقول ما حدا شايفنا
• منسأله بالشرق بيجاوب بالغرب
• منمشي الحيط الحيط ومنقول يا ربي السترة
• مني خيط ومنك خيط يا زلمه منعمر بيت
• منين جيب القوت والجيب مفخوت"منين لوين يا غراب البين
• منين ما ضربت الأقرع بيسيل دمو
• مو حافظ من العشق إلاَّ قولة أوحشتيني
• مو عيب إلاَّ على هللي بيقول عيب
• مو فهمان طيزو من دك لباسو
• مو كل الحلو تفاح
• مو كل طير بيتَّاكل لحمو
• مو كل ما واحد خري بدنا نمسحلو خريتو
• مو كل مرة بتسلم الجرة
• مو كل من صف الصواني صار حلواني
• مو كل مين قال بكرة العيد دفَّعولو
• موت الدواب غنيمة للكلاب
• موت شهر تعيش دهر
• مين استفقدني بعظمة كنت عندو عظيم
• مين خّلف ما مات
• مين سبق شم الحبق
• مين شاف حبابو نسي صحابو
• مين شهد للعروس ...امها وخالتها... وعشره من حارتها
• مين مالحك لا تخونو ولو كان عبد خوان
• مين نحنا بالحاره ...منخل بلا طاره
• ناس بتاكل دجاج وناس بتوقع بالسياج
• نام بكير وفيق بكير وشوف الصحة كيف بتصير
• نام يا غنم والحارس ألله
• نايم بالمي وخايف من المطر
• نشفت البركه وبانت قراميطها
• نشفت البير وبان حصاها
• نص الكلام مالو جواب
• نطور يا كديش تيطلع الحشيش
• نظف بيتك ما بتعرف مين بيدوسه ونضف خدك ما بتعرف مينببوسه
• نفِّخ عليها تنجلي
• نفوق ما في الجيب يأتيك ما في الغيب
• نكاية بالطهارة شخ بلباسو
• نئطة (نقطة ) دم ولاقنطار محبة
• هالخد تعود عاللطم
• هالطينة مو من هالعجينة
• هالك لو تهلك ولو رموك عالمهلك
• هالكنيسة الخربانة بدها هالخوري الأعمى
• هدوليك الغيمات جابوا هدول المطرات
• هذا المثل في الذي لا يملك شيئًا في الحياة)
• هس ...وهس ..وغرفه ونص
• هللي ألو شعرة من الجمل بينخخو
• هللي ببيعك بالفول بيعه بالقشور
• هللي بتوّفرو السمرة بتصرفو عالبودرة والحمرة
• هللي بدك تخدمو طيعو وهللي بدك ترهنو بيعو
• هللي بدو ياكل العسل بدو يصبر على عقص النحل
• هللي بدو ياكل من خبز السلطان بدو يضرب بسيفو
• هللي بدو ياكول هالأكلات بدو يموت هالموتات
• هللي بدو يربي جمل بدو يعّلي باب داره
• هللي بدو يسكر ما بدو يعد اقداح
• هللي بدو يكري طيزو ما بدو يلحمس عليها
• هللي بدو يموت يو صيك بولادو
• هللي براسو موال بيغنِّيه
• هللي بياخد من غير ملتو بموت من علتو
• هللي بياخود أمي بيصير عمي
• هللي بياكل حمار العرب بدو يحمل القرب
• هللي بياكل فول بيرجع للأصول
• هللي بياكول الحلوة بيصبر عالمرة
• هللي بيبعد عن العين بيسلى عن الخاطر
• هللي بيتجوز بالدين بيجو ولادو بالتقسيط
• هللي بيحتاج الكلب بيقللو نهارك سعيد سيدي
• هللي بيحكيلك عالناس بيحكي عليك قدام الناس
• هللي بيخلط حاله مع النخالة بياكله الدجاج
• هللي بيسبق بياكل الفستق
• هللي بيسرق البيضة بيسرق الجمل
• هللي بيشتغل بالخرا بيلحسلو لحسة
• هللي بيشوفني بعين بشوفو بتنتين
• هللي بيصبر عالحصرم بياكل دبس
• هللي بيطلع لفوق بيتعب
• هللي بيعد العصي مو متل هللي بياكلون
• هللي بيعد مال الناس لا هو ربحان ولا خسران
• هللي بيعطيه باليمين بياخدو بالشمال
• هللي بيعمل حاله عضمة بتاكلو الكلاب
• هللي بيعمل حالو حمار بتركبه الناس
• هللي بيغربل الناس بينخلوه
• هللي بيفصل من قماش غيره بيوسع
• هللي بيفوتك حصرم بتاكله عنب
• هللي بيموت وهللي بيفوت شيلهم من راسك
• هللي بينزل من السما بتستلقيه الأرض
• هللي حيطو واطي كل الناس بتدوسو
• هللي خري بري
• هللي شرب البحر ما بيغص بالساقية
• هللي ضرب ضرب وهللي هرب هرب
• هللي عضته الحية بيخاف من الرسن
• هللي فينا كافينا
• هللي ما بتتعب فيه الأيادي ما بتحزن عليه القلوب
• هللي ما بتزينو عروقو ما بتزينو خروقو
• هللي ما بيجي معك تعا معو
• هللي ما بيشبع عند أهلو ما بيشبع عند الناس
• هللي ما بيعرفك بيجهلك
• هللي ما بيعّلم فيه الكلام ما بيعّلم فيه ضرب السيف
• هللي ما بيقدر على حماتو بيندار لمراتو
• هللي ما بيموتك ولا بيحييك لا بيضرك ولا بيغنيك
• هللي ما بيهكل هم الناس ما بيكون من الناس
• هللي ما عندو حظ لا يتعب ولا يشقى
• هللي مو معود عالبخور البخور بيحرق دنبو
• هم البنات للممات
• هون حطنا الجمال
• هون حفرنا وهون طمينا
• هين فلسك ولا تهين نفسك
• هين مالك ولا تهين حالك
• واحد باع ابنو من القّلة والتاني اشتراه بالدين
• واحد حامل ذقنو والتاني تعبان فيها
• واحد كسر إيدو والتاني شحد عليها
• وإن كنتم أخوه تحاسبوا
• وجع ساعة ولا كل ساعة
• وجه المقت الله لا يسعدله وقت
• وجهو ما بيضحك لرغيف السخن
• وجوه كالحة ومي مالحة
• ورجي جوزك دمعتك ولا تورجيه لقمتك.
• ورجي عذرك ولا تورجي بخلك
• وردة بتخّلف شوكة
• وصل الموس الى اللحية
• وطب الجرة على فوها بتطلع البنت لابوها
• وعد الحر دين
• وعد بلا وفا عداوة بلا سبب
• وقت كبر وشاب أخدوه عالكتَّاب
• وقعت الفارة قالتلا القطة ألله قالتلا بعدي عني وانا بألف خير من ألله
• يا آخدة القرد على مالو راح المال وصفي القرد على حالو
• يا أرض اشتدي ما حدا قدي
• يا افتحو وافتخر يا اطبقو وانستر
• يا بايع المسك بسوق الخرا
• يا بسمة الصباح ويا ورد التفاح قلبي ولك دخيلك راح
• يا بيطخو يا بيكسر مخو
• يا جاي بلا عزيمة يا قليل القيمة
• يا جبل ما يهزك ريح
• يا حواجبو يا عيونو عالمغتسل باين
• يا داخل التربه ومعك فاس ...بدك تاكل همك ولا هم الناس
• يا داخل بين البصلة واشرتها ما بينوبك الا ريحتها
• يا داخل على مصر متلك الوف ويا طالع من مصر متلك الوف
• يا رايح كتّر ملايح
• يا رايح كثر من القبايح
• يا شاري الهم من قلب صاحبو
• يا صبر أيوب
• يا طالب الدبس من طيز النمس قال كفاك الله شر العسل
• يا طخو يا كسير مخو.
• يا طيزي بالك ع الدار (يقال للمهمل)
• يا غالب يا مغلوب
• يا غريب كن أديب
• يا كترة الصحاب لما كان كرمي دبس ويا قلة الصحاب لما صار كرمي يبس
• يا كنة من علاكي قالت زوجي وبيت حماي
• يا لبنية بلا كبب يا عداوة بلا سبب
• يا ما تحت السواهي دواهي
• يا ما هالجمل كسر بطيخ وهالبطيخة بالجملة
• يا مبدلين غزلانكم بقرود
• يا مدلع ولدك ياشاقيه بكره تحتاجه ما تلاقيه
• يا مسترخص اللحم عند المرق بتندم
• يا مسترخص اللحمة عند المرقة بتندم
• يا مستعجل وّقف لقلَّك
• يا مشتغل بهم الناس همك خّليتو لمين
• يا هارب الك الله
• يا هارب من قضاي مالك رب سواي
• ياكلني السبع ولا ياكلني الضبع
• يأكلها السبع ولا يأكلها الضبع
• ياما تحت البراقع سم ناقع
• ياما تحت السواهى دواهى
• ياما تحت السواهي دواهي
• ياما فى الزوايا خبايا
• يامسترخص اللحم عند المرءة (المرق ) تندم
• يحب الرفعة ولو على الخازوق
• يحبك حب ويبغضك الرب
• يطعمك الحج والناس راجعة
• يعوم على شبر ماء
• يقال لشرح فوائد الثوم
• يقبر امو لو فتح تمو كان اكل الحكيم وامو
• يلعب بالبيضة والحجر وينقش بالسبعة الإبر
• يللي ألو راس عند الرواس ما بينام الليل
• يللي ألو طباخ لا يزفِّر إيديه
• يللي الو عمر ما بتهونو شدة
• يللي أولتو شرط آخرتو سلامة
• يللي بإيدو القلم ما بيكتب حالو من الأشقيا
• يللي بإيدو ألله يزيدو
• يللي بتمو لسان ما بيضيع
• يللي بدو يدق الباب بدو يسمع الجواب
• يللي برجلو أحسن مّنو (الحذاء)
• يللي بيتو من قزاز لا يرمي الناس بحجارو
• يللي بيريدك ريدو وهللي ما يريدك بالجفا زيدو
• يللي تحت باطو مسّلة بتنغزو
• يللي عند أهلو على مهلو
• يللي ما بخاف الله خاف مّنو
• يللي ما بيشوف من ورا المنخل أعمى
• يللي ما داق المغراية ما بيعرف شو الحكاية
• يللي مالو أسطوح بينام تحت أسطوح جارو
• يللي مالو عتيق مالو جديد
• يللي متلنا تعوا لعنَّا
• يلّي ايدو بالمي مو متل يلي ايدو بالنار
• يلي بتوفره السمره... بتحطه خطوط وحمره
• يلي بيجي بنمدله شرشه ...ويلي ما بيجي ريحنا من وجه
• يلي بيجي عيني ولي ما بيجي عنتيني
• يلي بيجي يا حلت علينا البركه .. ولي ما بيجي خفف علينا لبكه
• يلي بيجيه شي وبيرده ....يا حيف عليه وعلى جده
• يلي بيخلفه أبوك... ألك ولأخوك
• يلي بيشرب البحر ما بتشردق بالساقيه
• يلي دليلو(دليله ) جردون ياما بدو يفوت ششامي
• يلّي فات مات
• يلي ماداق (ذاق ) المغراية ( عصا تستعمل لحرق الغراء المغلي ) مابيعرف شو الحكاية .
• يلي يسيبنا وقت العوزه..ماله عندنا عوزه
• يهودي خيبر ولا أهل جوبر
• يهودي ضربوه بنعارة لبن قللون بديني مشتهيها